School Education Dept.-i tenüngsang agütsür

Kohima, October 13 (TYO): October 4, 2016 nü Nehru Science Centre, Mumbai nung “Pulses for sustainable food security: Prospects & Challenges” onük nung National Level Science Seminar nung Jubilee Memorial School, Mokokchung nungi Class 10 nung azünger, Anirudh Yenisetti-i tanabuba jenjang nung takok anguba atema School Education Department nung ketdangsertem aser Staff temi pa nem tenüngsang tulu agütsür, ta School Education Department-i sangdong ka ajanga metetdaktsü.
Tarutsü nunga pai maneni takok tajung ngudakjang ta Department-i sarasademtsür, ta sangdong nungsa shia lir.