School Education Director-i metetdaktsür

Dimapur, Tsüklai 14 (TYO): Prime Minister-i Tsüklai 16, 2018 anepdang 11:00 ako nungi anüngdang 12:00 ako tashi kaketshirtem den jembitsü ta School Education Director, Wongthungo Tsopoe-i sangdong ka nung metetdaktsü.
Iba sentong nung kaketshirtemi tatidang nung anibelemba ajema akümtsü indang onük jembitsü aser DD National, DD News o DD India ajanga live sayutsü.
Sorkar aser nija school tem nung Head of Institution temi pei pei school nung iba sentong sayutsü atema mapa inyaktsü metetdaktsür, ta School Education Director-i sangdong nung shia lir.
Sentong ayuba sülen hopta ka tsüngda director.se.nagaland@gmail.com dangi iba osang ya email ajanga noksa ka dener yoktsüla, ta paisa shisem.