School nem Dr. T. Ao tenüng jaloktsünür

Dimapur, July 7 (TYO): Dr. T. Ao sor küm 100 ajungba tenüng nung Government School, Changki, Mokokchung nem pa tenüng jaloktsütsü sorkari tebilemba ka lemsatepogo, ta Directorate of School Education-i metetdaktsü.
Government School, Changki tenüng melentsüba inyakyim nung public-i ashishitepba onük kar danga lir, iba sangdong agütsüba anogo nungi tenzüker ita ka tsüngda bangdakpur dangi abentsü metetdaktsür, ta DoSE-isa ashi.