School nung music subject compulsory agidaktsütsüla: Hariprasad

November 11, 2015: Flute apur nüngtugu, Hariprasad Chaurasia-i, school tem nung music subject compulsory agidaktsüba ajanga sempet aketer jenti adokdaktsütsü, ta ashi.

“Nisung jenti western musical programmes nung adener, ajisüaka classical music sentongtem nungbo nisungtem yamaji longsoa madener,” ta pai ashi.

Padma Vibhushan award angur arishi küm 77 Hariprasad-i, school tem nung music subject compulsory agidaktsütsü nüngdak. Ibaji ajanga lanurtem jangrabangratsü aser India nunger musical genre balala nung sempet aketer mongintem adoktsü, ta ashi.

Chaurasia-i item o ya yasüng Nashik nung Flute Foundation-i ayongzükba sentong ka nung osangbenertem den jembidang ashi.