School nung tesayuri Ao oshi tarok kar langzudaktsür

Q1:     Akong tsüka merem, koba dang ajar ?
Ans:   Akongji mi nungji matsük nungbo memeremla, yamaji asen Naga nungertemi meinyaktettsü sür nung, tangsa inyaktsü amai nangzüker meinyakba dang ajar.

Q2.     Yimdong jungba kilongratsü ?
Ans:   Sentepibo aru, saka Tsüngrem O jempidang mangai Laishiba azüngba aser mangaba ya lir.

Q3:    Mesangayungdang ajak chima ?
Ans:   Public temi Election mapang Candidate nungi sen meshia agiba ya lir.

Q4:    Azü Entsü bendaki ani ama:
Ans:   Minister aser MLA temi election nungbo nüburtem mesüzüka tenangzükba jenti nangzüker, Saka pa adokerbo hau ta mali toktsüba ya lir.

Q5:     An Molok pang nung atem ama ta asüba ya kechi dang ajar ?
Ans:   Nagaland Dry State tabo jembizüka ayu, saka Yi agi jemseta asürbo tali tali akümer.

Q6:    Tinpong tazüngi ola tulu adoker ?
Ans:   Pa mesüra Lai Tsüngrem o bo nokdaker arua jembir, saka pai/lai jembiba ama taküm Yimya libaliro nung mesayutetba dang ya ajar.

Q7:    Waro orr tempang nung akoshi ?
Ans:  Tempang nungjagi Waroji moi tema alinungbo tempang nungji mokola, saka ao nungji ako, yamaji tanü Naga nungertemi tai inyaka alidang yabo tai, yamaibo teinyak ta meshiteter, saka inyaka toker külenang iba inyakba asoshi aitsür ta asüba ya lir.

Q8:    Tzü o Mi na ama tetezü shiang ?
Ans:  Arogo nung full time tenzükertem, aser Mongdang nung tenzükertem rongnung meputepba dang ya ajar.

Q9:    Merangi Merang chiradaktsür tetezü shiang ?
Ans:  Kibong nung kinungbo aser kinungtsü külemi Yi ajemba dang ya ajar.

Q10:  Tatemsa  question: Kürasa temelemba aser Lasa tapuba kechi tetezü ?
Ans:  Tang Nagaland nung Minister, MLA-tem rongsen kodasür timba bendentsü ta toktepdang, nüburtembo tali tali sensak tiai aluba ya ya lir.

Lilir – I. Meren Lemtur, Tzüdikong.