School tanurtem vacation mapang workshop nung adener

Dimapur, July 15 (TYO): School balala nungi arishi küm 8-11 tsüngdapur tanur 20 shi Theatre In Education nung summer vacation mongdar, aser iba sentong nung co ordinators ji National School of Drama nungi Bendang Walling aser Arun Thapa na den Hope Academy Proprietor, Sashila Ozukum nunger lir.
Iba workshop ya NSD (Theatre In Education) Agartala den Hope Academy aser Hill Theatre, Nagaland-i yaritepa ayongzük.
Iba workshop ya tanurtem lenla ajak nung terenlok kadaktsütsü nükjidong yur akar. Iba workshop ya ajanga tanurtem nem parnok aliba lima tali rajemdaktsütsü atema Theatre technique aser Drama methodologies balala parnok dang sayutsü. Iba ya tanurtemi lenla ajak nung pei sasa pei angatettsü atema lir.
Iba workshop tembanga classroom demonstration, Jorhat (Assam) nungi tanurtem atema kaketzülur nüngtugu, Debabrata Mahanta-i züluba educational drama “Teamwork” nung ajemdaker yangluba production ka sayutsü.