School tem nung shisaliok inyakyim melenshitsü: NITI Aayog

New Delhi, Metsüremi 17 (Agencies): Tanü NITI Aayog-i, linük nung school tem nung shisaliok inyakyim melenshitsü aser ibaji state asem- Jharkhand, Madhya Pradesh aser Odisha nungi tenzüktsü, ta metetdaktsü.
NITI Aayog-i twitter ajanga, “Shilem agiba state asem#SATH-E’s programme – Jharkhand, Madhya Pradesh & Odisha – nung #NITI-i school shisaliok inyakyim nung temelenshi mapa tenzüktsü #TransformingIndia,” ta metetdaktsü.
Yashi sorkari, NITI Aayog-i ‘Sustainable Action for Transforming Human Capital in Education (SATH-E)’ project atema asalentong asüng (Honibar) sayatsü, ta sangdonga liasü.
Asalentongji 2018 nungi 2020 küm tashi nung alitsü aser iba nungji state asem – Jharkhand, Madhya Pradesh aser Odisha-i shilem agia school shisaliok nung state asemji ‘Role Model States’ asutsü.
Ano tweet tanga ka ajanga, “Jharkhand, Madhya Pradesh & Odisha atema SATH-E Roadmaps ji NITI CEO @amitabhk87, Chief Secretary Jharkhand, state asem nungi Principal Secretaries aser programme partners-i sayatsüogo,” ta metetdaktsü.
Linük tesem ajaklen kaketshirtem lenla aika nung ajangzükdaktsütsü nükjidong nung NITI Aayog-i project SATH-E benoker aser ibaji ajanga vocational education, skill development, teacher training aser class takdang nung technology ajungkettsütsü.