Schumacher jabaso, Mick-i 3 buba jenjang angu

Chennai, January 30 (Agencies): Formula One (F1) mongin, Micheal Schumacher jabaso, Mick-i tan mezüngsüa MRF Championship nung gari toktepa anishiba sülen tasembuba jenjang tanü, Honibar nü nguogo.
Arishi küm 16 tain Mick-i 4 buba aser tatembangba round nung 3 buba jenjang ngua liasü.
Tanga tetoktepertemi Abu Dhabi, Bahrain aser Dubai nunger nung ayongba MRF Championship tetoktepbatem nunga shilem agia liasü saka Mick-ibo India nung ayongba tetoktepba nung dang shilem agiba osang jangjaogo.
Overall shilem nung Brazil nunger Pietro Fittipaldi-i tang temaba jenjang ngua lir.
Pa sülen anidaka, Columbia nunger Tattiana Calderon aser Russia nunger Nikita Troitcki na tanabuba aser tasembuba jenjang nung lir.