Schweinsteiger aser Ivanovic na kibong kümogo

Venice, July 12 (Agencies) : Germany football team captain, Bastian Schweinsteiger aser Serbia tennis asayar Ana Ivanovic na Mongulbarnü Italy kübok Venice City Hall nung kibong kümogo.
Tena ya 2014 nungi meimtepa aru aser tena kiyimba sentong nung Ivanovic’er tsüraburtem- Miroslav o Dragana aser Schweinsteiger tebu Alfred aser tedi Tobias nunger aden.
Sentong nungsa Bayern Munich president Uli Hoeness, Germany coach Joachim Low, aser Germany asayar Thomas Muller, Angelique Kerber aser Andy Murray nungertem aden ta osang angazüker.
France nung Euro semi-final nung Manchester United nungi asayar Bastian Schweinsteiger-i aibelen tila ka asüba ajanga Germany-i tamakok angu. Ano Ana Ivanovic-ia Wimbledon nung Ekaterina Alexandrova den mezüngbuba round nung tamakok ngua liasü.
Ajisüaka, Schweinsteiger aser Ivanovic atema July ita ya kodanga mamatsüba ita ka lir aser ibaji tena kibong akümba asütsü.