Scientist temi laptop atema multi-function antenna ka yangluogo

London, June 25 (Agencies) : Britain technology agi laptop atema ‘multi-function antenna’ ka yangluogo, koba ajanga Wi-Fi, GPS, bluetooth & 3G/4G LTE aser WiGig unit ka küma lungjemdaktsür aser multi-gigabit per second wireless speed agütsür.
University of Birmingham nung scientist temi yanglutetba SAT antenna ya laptop tesülen küpja (hinge) aliba tesem nung inoktettsü aser iba antenna yagi tanga atenna pongu-i inyakba mapa inyakteter.
2013 küm SAT ngutetsang Sampson Hu-i, antenna tanga indang signal bo kanga junga meputeter kechiba süra item antenna ajanga signal junga magütsür,” ta ashi.
“Tanü asüng laptop nung Wi-Fi mesüra mobile signal junga angütsü atema antenna balaka inoktsüsa akümer. Merang agi meyia aliba laptop screen tem tema aser motherboard tem nungbo antenna inoktsüji tamakoktsü mapa anungji küpja aliba tesem nung dang inoktsüsa akümer,” ta Hu-i university sangdong ka ajanga metetdaktsü.
Aji oda süaka, küpja alidang antenna inoktsü atema tesem onsara temesü lir aser ibaji ajanga akhi antenna bo ana dang inoktettsü—ka Wi-Fi aser ka 3G/4G LTE. Ajisüaka kodang iba amala antenna kanga anasatepa inokdir signal atsüteper aser ibaji ajanga signal junga magütsüba dang masü saka battery tashi tali amshitsüsa akümer, ta Hu-i shisem.
Hu-i, Merang agi meyir aliba laptop tem nung antenna inoktsü atema tebilemtsü malitsü atema onoki Multi-Output (MIMO) antenna system yanglu. Iba antenna ka nung nüngdakba ajak keta lir, ta ashi.

You must be logged in to post a comment Login