Scout & Guide atema Pre-testing cum Preparatory camp agidar

Dimapur, Aenjeti/January 15 (TYO): Nagaland State Bharat Scouts & Guides indang State Training Centre, Nerhema nung Rashtrapati Scout & Guide nung adentsü jangrartem atema Nagaland State Bharat Scouts & Guides-i Pre-testing cum Preparatory camp sentong ka ayonga agütsüdar.
Iba camp ya Aenjeti/January 14, 2019 Hombarnü nungi tenzüka agidar aser sentong ya tanü Aenjeti 16, 2019 tashi agitsü. Preparatory camp nung Dimapur aser Kohima District nungi scouts 9 aser guides 19 agi shilem agidar. Scout & Guide section naprong indang State Organizing Commissioners lenisüba kübok iba camp sentong achayanga liasü.
Scouting inyakyim balala nungi Scouts & Guides ya tendangdar aser National jenjang nung Rashtrapati Testing camp takok angutsü atema scouting workshop inyakyim temba ka ayonga agütsüogo.