Scout Masters & Guide Captains Basic Course agir

Dimapur, October 10 (TYO) : 2015 küm atema Scout Masters aser Guide Captains pur Basic Course tanabuba tenzükogo.
Iba sentong ya October 7-13, 2015 tashi State Training Centre Nerhema nung agir aser Scout Masters atema Leader ji R. Albert Solo, State Training Commissioner (S) aser Guide Captains Leader ji I. Amenla Soyah, State Training Commissioner (G) na lir.
Tang agiba Course nung district 7 nungi nisung 33-i shilem agir aser parnokji Kohima nungi 5, Dimapur nungi 5, Peren nungi 10, Phek nungi 2, Mokokchung nungi 4, Wokha nungi 2, Zunheboto nungi 4 aser State Headquarter nung 1.
State Training Commissioners den Kohima, Dimapur aser Mokokchung nungi Adult Leaders 6-i Guide Section nungi Trainees 15 aser Scout Section nungi Trainees 18 nem tesayuba balala agütsüdar.
Iba training ya October 13, 2015 nü tembangtsü aser Atuo Mezhür Sekhose, State Commissioner (Scouts) NSBSG-i October 12, 2015 aonung Grand Campfire Chief ama shilem agitsü.

You must be logged in to post a comment Login