Scouts and Guides sentong ayonger

Dimapur, Rongjui/September 24 (TYO): Nagaland State Bharat Scouts and Guides-i, Regional Level Trekking aser Nature Study sentong ka September 26 nungi 30 nü tashi ayongzüka agitsü.
Iba sentong nung North East state ajunga nungi Scout and Guides 100 shi adentsü. Parnok September 26 nü Indra Gandhi Stadium nung anenzüktsü aser Kohima temeket sema senzütsü. September 27 nü trekker team State Training Centre, Nerhema-i aotsü aser iba tesem nungi parnok temeket yimtsüng balala sema senzütsü.
Kasa mapang nung Nagaland State Bharat Scouts and Guides ketdangsertem, Assistant Director Bharat Scouts and Guides, North East Region den senden ka amentsü, shiba Trekking sentong achaayangtsü atema arutsü.