Scouts & Guides Asso., Dimapur induction sentong agi

December 19, 2019 nü Dimapur DC Conference Hall nung Bharat Scouts & Guides Association Dimapur induction sentong agiba sülen tangokba noksa nung angur.

Dimapur, Dec. 19 (TYO): December 19 nü Dimapur DC Conference Hall nung Bharat Scouts & Guides Association Dimapur induction sentong agiogo, ta ketdangsertem osang ka ajanga metetdaktsü.
DC Dimapur, Anoop Khinchi, IAS District President aser SDEO Dimapur C. Chenirao Humtsoe District Secretary shim.
Iba sentong nung jembidang DC-i pa shimba atema Bharat Scouts & Guides Dimapur officers ajak dang pelaba lemsatepba den külemi pai NCC nung ajangshia arubatema lemsatep.
Paisa Bharat Scouts & Guides Association Dimapur atema akokba tashi amalitepa inyaktsü ta metetdaktsü.
District Organising Commissioner, D.M Agay Joseph ketdangsüba nung Flag ceremony aser tenangzükba agi; Bharat Scouts & Guides Dimapur nungi kaketshirtemi Scouts & Guides item agi aser iba sentong ya Assistant District Organiser, Aotoshi Imchen leniba nung agia liasü.