SDAO Chiephobozou subdivision nung power tillers, cutters alem

Kohima, June 21 (TYO): June 19, 2019 nü Chiephobozou subdivision nung SDAO Chiephobozou-i SMAM; 2018-19 kübok aluyimba machineries alemba sentong ka ayongzüka agiogo, ta SDAO Chiephobozou sangdong ka ajanga metetdaktsü.
Iba sentong nung jembidang ADC Chiephobozou, Vekhoyi Chakhesang-i, Agriculture Department-i aluyimertemi kanga nüngdakba aluyimba machineries lemtsüba atema pelaba metetdaktsü.
Paisa tajangzük angurtem dang item machineries tajungtiba nung amshitsü aser chiyungtsü security atema peria züsentettsüsa inyaktsü ajungshi.
Tajangzük angurtem tenüng nung jembidang Neitso Sogotsu-i Agri Department-i parnok anem aluyimba machineries agütsüba atema Department dang pelaba lemsatep.
Iba sentong ya Seyievonuo, SDAO Chiephobozou leniba nung agi aser AO Nekholü Rhakho-i tepela anküp o jembia liasü.
Anepdang Chiechama village nung ADC Chiephobozou, Vekhoyi Chakhesang-i Agro Service Centre semzükja liasü.
Pai proprietor, Rükholie Rüpreo dang pei atema amebilemi inyaktsü aser agro machinery repairing service ajanga aluyimertem yaritsü ajungshi.
Tang mezüng aluyimba machineries atema service centre tenzüker, ta shia pai aluyimertem dang service balala agitsü ayongzük.