SDEO Office Mangkolemba nung Head Assistant join masü

Dimapur, June 20 (TYO) : Director of School Education, Nagaland nungi June 1, 2015 nü Shri. Thsibong SDEO office, Mangkolembai Head Assistant promotion transfer yoker ta order ka adokogo. Aji saka pa iba office nung officially kodang-a join süa mali, ta SDEO Office Staff Mangkolemba-i sangdong ka nung metetdaktsü.
Pa meyong (a) Released Order (b) LPC (c) Service Book kong, koba establishment nung ali-ar onoki memetet. Pa ita tuku (9 months) tashi kong ali, iba indangji SDEO office nungi School Education Director dangi osang yokogo. Saka kecha action mali, ta sangdong nungsa shia lir.
Tanabuba nung, government order tashi mangaba atema merenshitsü melena Shri. Thsipong-ji Head Assistant ka ama DEO Kiphire office nung attach südaktsür ta-ang Feb. 29, 2016 nü order ka adok. Ajisüaka, mapang tatsüka süir külen government-i pa attachment order-ji cancel süa May 23, 2016 nü order tasen ka adok. Tetezü, Shri. Thsibong-ji SDEO Mangkolemba office nung join asütsüla, ta sangdong nungsa metetdaktsü.
Hopta anadak tali pa arua office nung join asütsü imlaseta atar tanü tashi kecha osang maka nung SDEO-i pa maruba/tashi mangaba report-ji June 9, 2016 nü Director of School Education dangi yokogo.
Küm ka dak tali onok office nung Head Assistant maliba ajanga timtem aika dang ajuruba angateta Nagaland sorkari tekaratiba nung tim teinyaktsü inyaktsü akhanger, ta SDEO Office Staff Mangkolemba-isa sangdong nung shia lir.