Sean Paul-i ano India nung shilem agitsü atema jangrar

December 21, 2017: Jamaica nunger rap kentener, Sean Paul, shibai 2012 küm India nung shilem agia liasü, pai maneni sangküm India semdanga shilem agitsü.
Paul-i sangdong ka ajanga, “Ni kanga yongyar. Taoba mapang nunga ni yangi liasü, ano tangsa teyongyaba, kechiyong ni India kanga meimer aser parnok sobaliba kanga meimer,” ta metetdaktsü.
Sean Paul ya ‘Gimme the light’ ken ajanga kanga nüngtugu aküm, iba kenji 2002 küm pa indang kensep, ‘Dutty Rock’ nung dena lir, aser iba ken ajanga Billboard Hot 100 nung jenjang 7 buba tongteta liasü.
Grammy award angusang Paul indang nüngtugu ken rongnung ‘Temperature’, ‘Get busy’ aser ‘Give it up to me’ densema lir.
“Ni ‘Temperature’ ken densema ken tejen aika atentsü. Ni iba sentong ayonger (Bobby Bajaj) ajak dang pelar, parnoki India nung kenten sentong ayongzüktsü,” ta pai metetdaktsü.
Sangküm pai Mumbai aser Delhi yimti na nung kententsü imlar.