Season atemdang Philipp Lahm asaya nungi anentsü

New Delhi, February 08 (Agencies): Arishi küm 33 tain, German nunger football asayar, Philipp Lahm tang asayaba season temer football asaya nungi anentsü, ta Mongolbarnü sangdongogo.
“Iba telemtet ya ni taoba season nung agitsü bilem, saka kü sasa ni khen tendangtsü bilemtet, saka iba telemtetba ya tang mapang lir. Ni iba season bo asayatettsü saka iba season dak alaka tali masayatettsü,” ta Lahm-i German Cup akokba sülen osangbener dang ashi.
Lahm ya alima nung defender tajung rongnung ka, ta züngshir. 2014 küm FIFA World Cup pa lenisüba nung akok.
2012-13 season nung Lahm-i aniba, Bayern Munich teloki Champions League, DFB Pokal aser Bundesliga koka liasü.
Pai Bayern Munich telok nungi 501 ben asaya lir. Lahm-i Van Bommel nungi captain agizükba sülen par teloki league title pezüben aser German Cup asemben koka lir.
Ballack yiruba sülen 2010 küm World Cup nung Lahm lenisüba nung par German telok ya semi-final tashi asaya saka iba tournament nung takok angur Spain-i tsükdaktsü.