Sebastian-i Hungarian GP takok marok agizükogo

Germany nunger Sebastian Vettel-i alizüng mezüng tongteta Hungarian Grand Prix (GP) takok marok tanü Deobar nü agizükba noksa nung angur. (Budapest, July 26)

Budapest, July 26 (Agencies): Germany nunger Sebastian Vettel-i alizüng mezüng tongteta Hungarian Grand Prix (GP) takok marok tanü Deobar nü agizükogo.
Taoba mapang nung world champion akümtsü jenjang 4 ben tashi angusang, Vettel-i tanü takok marok agizükba sülen Ayrton Senna den kasa jenjang nguteta GP takok marok 41 tashi agizüker kümogo.
Ferrari telok indang gari anishisang, Vettel-i tanü takok marok agizükba sülen tan July ita 27 nü asüsang, France nunger Formula One (F1) gari anishir, asür Jules Bianchi nem tetushi agüja liasü.
Red Bulls gari anishir 2, Russia nunger Daniil Kvyat aser Australia nunger Daniel Ricciardo nati Vettel sülen anidaka tanabuba aser tasembuba jenjang angu.
Britain nunger Lewis Hamilton-i alizüng ayuba ama, tanü mezügbuba jenjang mongutetba yong pai 5 buba Hungarian GP takok marok agizüktsü maongkabo mangu saka külem Merecedes gari anishir, Nico Rosberg den tekaraba mapang nung alizüng atongba yong pai overall shilem nungbo tangasa mezüngbuba jenjang nguteta lir.
Mercedes gari anishirtemi taküm küm tenzüker tanü mezüngsüa mezüngbuba jenjang monguteter lir.