Sechü-Zubza FC ‘A’-i CKZ Open Penalty Shootout akok

Kohima, Monupii 12 (TYO): Chadanyi Krotho Zhadima-i ayongzükba 1buba Open Penalty Shootout Tournament Sechü-Zubza Footbal Club ‘A’-i benogo.
Yashi Kohima district kübok Zhadima village ground nung iba tournament agiba nung Kohima, Dimapur aser Wokha nungi team 44 adenshia shilem agi aser final nung Sechü-Zubza-i Tribal United Dimapur akok. Medizphema United Dimapur aser Khriekesa Football Club Kohima nati asembuba aser pezübuba jenjang aben.
Iba asayamung champion nem senpet sen 20,000 agütsü aser iba senpet ya Naga Students’ Federation nung taoba tir, Kelhouneizo Andrew Yhome-i sponsor asü. Tanabuba jenjang tongteter nem senpet sen 10,000 agütsü aser iba senpet ya Angami Sports Association nung vice president, Neiketouzo Kenguriise-i sponsor asü. Tasembuba aser pezübuba jenjang tongteter nem senpet sen 5000 aser 3000 agütsü aser iba senpet ya Zhadima Students Union nung taoba tir, Thepfusalie Thomas aser Zhadima Youth & Sports Organization nung taoba tir, Thepfiilie Theiinuo nati sponsor asü.
Iba tournament lapokba sentong nung tongti tesemdanger ya Angami Youth Organisation tir, Neinguvotuo Krose liasü aser Seyiekhrielhou Kuotsu-i ketdangsüa agi. Iba asayamung lapokba sentong nung Youth Pastor, Kekhriezhalie Khro-i sarasadem aser V Bisetuo Chüpuo-i temeja ken aten.
Iba asayamung shibangba sentong AYO Finance Secretary, Metekhrielie Mejura-i moatsü aser paisa takoker nem senpettem agütsü. Senpet agütsüba sentong ya Thepfusalie Thomas-i ketdangsüa agi. Kasa sentong nung Tournament Commissioner aser Nagaland Football coaches Association tir, Roko Angami-i tepela o jembi aser Mhasizolie Metsieo-i temeja ken aten.
Iba asayamung ya küm shia alitsü ta asayamung ayongertemi metetdaktsü.