Sechu-Zubza nung “Satuo Kikramia Ki” park lapok

Sechu-Zubza, April 3 (TYO) : April 2, 2016 nü Sechu-Zubza nung “Satuo Kikramia Ki” ta ser park tasen ka lapokogo. Iba park ya ex-MLA, AICC member Asu Keyho-i lapoktsü.
Zubza nungi kilometre 4 shi pilar park ji lir aser iba tesem ya kanga dang tobur tajung aser tourist temi semdangba tesem tongti ka asütsü amai bilemer.
Iba tesem ya lokti amungtsü atema kanga tajung aser tourist temi kanga saputsü. Iba tesem tobur tajung aser mopung tajung ajanga tamungertem kanga pelatsü, ta Asu Keyho-i park lapoktsüdang ashi.
Sechiizou Thejakromia Thetshii züngsem Seyielhoukho Sechii-i ashiba agi, iba park nung anisüngzüka kazüdak, joka, metsümeshidak, tzü, gari anendak aser jana endokdak lir.
Iba park ya public atema anogoshi lapoktsü aser osang tejangja metetnürtemi 9615355086, 8794757275 aser 9615510169 number tem nung tongteprateptsü akok, ta paisa metetdaktsü.