Secret Superstar: Aamir Khan-i Jeetendra olen amshi

Mumbai, October 18 (Agencies): Bollywood superstar Aamir Khan indang taruba film Secret Superstar nung Shakti Kumaarr indang character ya Jeetendra aser Anil Kapoor nati ajungmesoba lir.
Aamir-i ashib agi: “‘Secret Superstar’ nungi meim o kaji iba film nung ni film actortem ajurudang parnok taküm nung parnoki kanga bulua jembiba olen tem ajizüka amshia lir. Ni parnoki jembiba olen tem kar bilemteter aser ni ibaji film nung kü character jilushidang amshia lir.
“Tatishitsü agi, ni Jeetuji (Jeetendra) mezüng ajuruba mapang nung ni pa kanga dang humorous nisung ta reprangtet. Pa Nasir (filmmaker Nasir Hussain) ajurui khen aru aser iba mapang nung ni tena den mena liasü. Ni Nasir sahib indang assistan liasü. Jeetuji-i Nasir dang yamai ashi; ni film ka nung double role’ agitsüba offer süa lir. Iba sülen pai menüa ashiba agi, pai shilem kata junga magiteter nung ana koda agitsü.
“Maneni pai ashiba agi, ni junga shilem agitsü aser ‘Buck up India’ ta ashi. Pai ‘Buck Up India’ ta ashiba olen yagi ni kanga pua aser kü molung nungi metugui liasü aser tang küna ajurutepdanga pai iba olen ya ashir. Ni iba olen ya ‘Secret Superstar’ nung amshia lir,” ta pai ashi.
iba film ya Advait Chandan-i Directe asü aser Hokolbarnü sayatsüba atema renema lir.