Secretariat nung Biometric Attendance System tenzük

Dimapur, February 19 (TYO): February 19, 2016 nü Secretariat Conference Hall, Kohima nung AHODs aser HODs senden amendang Nagaland Chief Secretary, Pankaj Kumar, IAS-i Biometric Attendance System tenzüktsü.
Senden nung Chief Secretary, Pankaj Kumar-i ketdangsertem dang tatishitsü süa alitsü tayongzükba agütsü.
Paisa, Secretariat nung ketdangser aser mapa inyakertem ajaki Biometric Attendance System ochishia amshitsü ayongzük.
Sorkar mapa inyakyim tajungba kümdaktsütsü nükjidong nung iba system tenzüker anungji sorkar mapa inyaker ajaki jenjang tajungba kümdaktsütsü atema inyaktsü mepishir, ta Pankaj Kumar-isa ashi.
Iba senden nung Commissioner & Secretary of IT&C, K.D. Vizo-i power point presentation ka ajanga Secretariat nung Aadhar Based Biometric Attendance System indang osang tejangja metetdaktsü.
Vizo-isa ashiba agi, IT&C Department ji system application atema dang lir aser Home Department ajanga dang iba mapa ketdangsüa reprangtsü.