Secretariat Plaza nung Independence Day 2016 tembangba sentong agi

Dimapur, August 16 (TYO) : August 15, 2016 nü Secretariat Plaza nung 70 buba Independence Day, 2016 nikongtsütsü sentong ayongzüka agi.
Iba sentong asoshi tongti tesemdangerji Nagaland Chief Secretary, Pankaj Kumar, IAS liasü aser Independence Day nüngtem nung IG Assam Rifles aser DGP, Nagaland tsüngda exhibition football asaya.
Football asaya nung DGP, Nagaland-i goal 2-0 agi takok angu aser goal anaji – Lima aser Saku nati agütsü.
Sentong nung yashi ceremonial parade nung shilem agirtem rongnung tajungtem shimteta sempet agütsü aser armed category shilem nung 78th Bn, CRPF-i mezüngbuba jenjang aser 3rd Naga Hills Bn (Assam Rifles)-i tanabuba jenjang takok angu.
Un-Armed contingents shilem nung mezüngbuba jenjang nung Bharat scouts & Guides aser tanabuba jenjang nung 1st Nagaland Air Sqn (FLG) NCC-i takok angu.
Ano, School shilem nung Holy Family School, Kohima-i mezüngbuba jenjang, Chandmari HSS Kohima-i tanabuba jenjang aser GHSS Seikhazou, Kohima-i tasembuba jenjang takoktem angu.
Anogo piyong amungba Independence Day benjungmung nung Nagaland Police Brass Band aser 9thAssam Rifles Pipe band ajanga Band display sayu aser iba sülen Beating of Retreat liasü.
March pass asoshi tetendangertem:
1.     Brid. (Rtd) K.K Roy Chowdary, SM, VSM, Dir. Sainik Welfare.
2.     Kevithuto Sophie (NPS) AIG, Supply (PHQ) Kohima.
3.     Anil Kumar Jha, Dy. Commandant 78 Bn. CRPF Hq. Zubza.