Security Forces-i Kisakita nung yi apu

Dimapur, Tsüklai/February 28, 2021 (TYO): Brehostibarnü (25.02.2021) Security Forces den in Police nungi teshimtet nübu longjemer Zunheboto District kübok Kitsakita general area mita aoba mapang nisung trok den yi (IMFL) apu.
Osang tejangja ka angazükba nung ajemdaker, Security Forces den police longjemer team kati Kitsakita general area mita aoba mapang, nisung trok den sen 8, 72,100/- alang IMFL apu. Item yi rongnung MC Dowell No.1 Rum bottle 929 aser Kingfisher beer 120 ngutet.
Iba maparen dak sendakba nung maneni bushisüngdangtsü atema pua alir nisung trok aser item yi ajak Zunheboto Police Station nung agütsüogo, ta sangdong ka ajanga metetdaktsü.