Security Forces-i nisung asem apu

Kohima, Mongputeni/October 09, 2020 (TYO): Osang tejangja ka angazükba nung ajemdaker, Brehostibarnü (08.10.2020) Mizoram nung Zokhawathar anasa tesem ka mita aoba mapang, Security Forces-i ozüng alema shibelenba Detonator jenti apu, ta PRO (Def) Kohima sangdong ka ajanga Lt Col Sumit Kumar Sharma-i metetdaktsü.
Iba tesem mitba mapang, Security Forces-i nisung asem den külemi gari ka apu aser parnoki gari telung nung Detonator lakh 1 shi ngutet.
Iba maparen dak sendakba nung maneni bushisüngdangtsü atema, pua alir asem den külemi gari aser parnok ket nungi ngutetba oset ajak Zokhawathar Police Station nung agütsüogo, ta kasa sangdong nung shia lir.