Sekrenyi Inter Peli Tournament asayaogo

Kohima, March 10 (TYO) : Küm shia asayaba Sekrenyi Inter Peli Tournament March 9, 2017 nü T. Khel Ground, Kohima village nung asayaogo.
Iba asayamung ya Tsiituonuomia Youth Organization (TYO) aser T. Khel Peli Union nati ayonga amung aser T.Khel Council chairman Thepfuvilie Suohu-i asayartem aser tesentepertem den tayongzükba o jembi.
Pai, Peli ya züngar tentet la lir aser item telok jagi nisung kaka alui tenatena sa ao. Peli ya khenyongi tentet balaka liasü kechiba süra iba telok nung züngsemtemi nisung shia indang alu mapa nung yaritep, ta ashi.
Pai, züngartem tsüngda tangatettep tajung nung yimjung aser telongjem nung alitsü merangtsüla, ta ayongzük.
Peli Union chairman Visasielie Suohu-i iba sentong nung tepela aser salem o jembia liasü.
Iba sentong nung TYO Tir Kevisenyii Zatsu menden asü aser tetoktepba mapang nung Seyiekhrietuo Sekhose compere liasü. Sentong tenzüka Thepfukhieii-i Tsüngrem temoatsü jazüka sarasadem.
Sentong nung sobaliba saisapong den Peli tetsü tebu ken aser yimyim ayimtepba tetoktepbatem agia liasü.
Tetoktepba nung takok angurtem nem Angami Public Organization nung advisor Keneingunyii Sekhose-i sempet lemtsü.