Selena Gomez-i “Neighbors 2” film nung shilem agitsü

Los Angeles, September 6 (Agencies) : Pop kentener Selena Gomez-i Seth Rogen, Zac Efron aser Chloe Moretz nunger den ‘Neighbors 2’ film nung shilem agitsü.
Mezüngbuba Neighbors film ajanga takok tulu nguogo aser USD 269 million aazük. Tanabuba film nung Rose Byrne-i kasa shilem agitsü aser Nicholas Stoller-i director asütsü, ta Variety osang ajanga ashi.
Arishi küm 23 tain Selena-i film nung shilem agitsüba osangji lar fans-i noksa kar sayuba ajanga metet. Ajisüaka, lai iba film nung kobala shilem agitsüar mejangja.
Rogen, Evan Goldberg aser James Weaver nungertemi Point Grey Pictures kübok iba film produce asütsü aser Cohen, O’Brien, Rogen, Stoller o Goldberg nungertemi otsü zülutsü.
Tawa tu Selena-i ‘The Big Short’ aser James Franco indang ‘In Dubious Battle’ film tem nung shilem agiogo.