Selena Gomez-i sen $4.5million agi lar ki ayoktsü

Los Angeles, November 15 (Agencies) : Arishi küm 23 tain actress aser kentener, Selena Gomez-i Los Angeles kübok Calabasas nung la indang ki ka sen $4.5million agi ayoktsü osang metetdaktsüogo.
Iba ki nung mejangba taktang trok lir, metsümeshidak 7, courtyard, gym, guesthouse, pool aser spa nungertem lir.
2014 küm Selena-i iba ki sen $3.7million yong alizüka liasü.
Yaküm lar ki telungi nisung kar tashiyim agi aitba ama Selena-i temulung melemi bilemba agi police nem osang sangoktsü saka iba mapang police-i nisung shinga mangu.
Ano 2014 April ita nunga nisung ka lar kimung telungi ai aser idangji la kanga aoksa. Iba nisung ya police-i apu saka iba sülen nungi Selena temulung tipmedemi dang liyonga arur.
Tawa tua la sülen anidaker kati lar ki tonga arua meinprongba atema lai police nem osang sangoktsü aser iba sülen police-i nisungji apu. Iba tatalokba sülen lai lar ki yokdoktsü osang metetdaktsü. Iba ki ya Kris Jenner, Kim Kardashian aser Jennifer Lopez nunger aliba kiyong nung lir.
Taoba mapang Selena-i Tarzana nung ki ka alizüka liasü saka 2014 nung lai iba kiji Iggy Azalea aser Nick Young na dang USD 3.4 million yong yokdok.