Selena Gomez-i tama Instagram Followers mn 100 tongtetogo

September 29, 2016: Taoba ita kentener, Selena Gomez-i la alima sema kentenba sentong thinener anisüngzüktsü ta sangdongaka Celebritis rongnung lai tama Instagram nung 100 million followers tongtetogo.

Iba ya tulubaka Gomez sapurtem- Selenators ajanga lir. Ita ka dak tema lai lokti nung shilem magi aser la indang noksa tasen upload masü, ajisüaka la sapurtem Selenators-i la nem social media nung otsü tasen ka yangludaktsütsü nükjidong nung campaign ka tenzüka liasü.

August ita tatemlen Gomez-i, la jashiba aser auto-immune tashidak, lupus den raraba nungi anisüngzüktsü ta sangdonga liasü.

Iba sülen lai la kenten sentong Revival tour pongu thinena liasü.

People magazine den jembidang arishi küm 24 Selena-i, “Kü temang aser tepela nung rangloktsü atema lenmang tajungtibaji, mapang tatsüka anisüngzükbaji asütsü ta meteta iba telemtetba agi,” ta lai ashi.

Lai tesüsabuba social media nung la noksa lemsatepbaji hopta trok tejaklen liasü. Iba noksa nung la sabang nung mejanger kentenba noksa lir.

Gomez Instagram followers million 100 jungogo, aser la sülen tangartem rongnung Taylor Swift (91.4 million followers), Beyonce (85.3 million), Ariana Grande (85 million) aser Kim Kardashian West (83.6 million) nunger lir.

September 28, 2016 nü Instagram otongdar kati, followers züngdangba 12 tashi alirji  Gomez kija lir, ta ashi.