Selena Gomez Manila-i arutsü

Manila, April 01, 2016 : Ibai April fool asüba agi ashioktsür masü saka Selena Gomez Manila-i shitakba arutsü.
Pop kentener Selenai ‘The Revival Tour’ Manila tonga bener arur aser July 31, 2016 nü Mall of Asia Arena nung la kenten sentong akatsü.
Selena ya chart temaba jenjang nung aliba “Naturally,” “Love You Like a Love Song,” “Come & Get It,” aser Zedd den lokteper atenba, “I Want You To Know” kentem atenba ajanga ajaki kanga jangja meteta aküm.
Lai indang “Good for You” (featuring ASAP Rocky), “Same Old Love,” aser “Hands to Myself” kentem aliba ‘Revival’ kensep October 2015 nung saya liasü.
“2014 küm la tour jajaba mapang Manila yimti den tanga Asia linük kar aser Australia linük tem sentong atihtsüsa aküm, kechiba süra ni kanga sapuba nüburtem jangratemdaktsütsü asoshi ni kanga junga renemshitsü nüngdaka liasü. Anungji taoba mapang atema ni taitok meshir aser nenok ya ni kangasa nüngdakba nisungtem lir ta nenoki angateta alitsü ni imlar,” ta lai ashi.
Manila yimti nung ‘The Revival Tour’ kenten sentong atema ticket April 2016 nungi SM tickets ajanga angutsü. Iba kenten sentong ya Wilbros Live-i acha ayangtsü.