Selena Gomez ‘Revival’ world tour jajatsü

 

Selena GomezOctober 2, 2015: Selena Gomez kensep tasenba ajungkettsü asoshi 2016 küm ‘Revival’ world tour jajatsü sentong renemogo.

Arishi küm 23 tain, Selena-i iba osang ya Instagram nung video ka ajanga lemsatepa liasü, ta aceshowbiz.com ajanga metetdaktsü.

Lai instagram nung enoktsüba video clip ji la anenba hotel takdang nung tangokba lir aser iba video nung lai, “Ni ‘Revival’ world tour lapoker. Ni sangküm May nungi July tashi US aser Canada sema kentena jajatsü aser iba sülen ano tanga linüktemia aotsü,” ta camera jakdang noktaker ashi.

October 9 nü sayatsü aliba Disney meyong Hollywood indang ken menüngokba sülenbo iba la indang kensep mezüngbuba lir. Iba kensep nung “Good for you” aser “Same old love” kentem densema lir.

You must be logged in to post a comment Login