Selfie agidang gari tsükokdaktsü

New York, August 31 (Agencies): Gari anir kati gari tanidak nung selfie agitsü merangdang pai aniba gariji süngdong ka nung oa tsüka nisung aika yiru.

Police-i, Maine state nung arishi küm 29 tain, Jordan Toner-i gari tanidak nung pa sasa noksa agitsü merangba ajanga iba lendong tulu atalok, ta ashiba WCSH6 online ajanga metetdaktsü.

Toner-i aniba gari nungji nisung tenet mena liasü aser pa sasa noksa agitsü asoshi tera anguma aludang gari jagi süngdong ka dak oa tsükadoker liasü.

Iba gari lendong nung yirur rongnung anabo tetsür liasü. Tena ya gari tejaklen mena liasü. Tena rongnung ka teni nepsa aser ka tenük tekalen tsükpok. Tanüngba nisüngtemji tekong aser teberem yirua liasü, ta police-i ashi.

Teyirurtem rongnungi tebur ana tenük anasa tsükpok aser tekolak tesülen yiru liasü. Iba gari lendong ya August 29, 2015 nü Orient jila nung ataloka liasü.