“Selfie spoon” tasen ka adokogo

New York, September 19 (Agencies): Tang selfie spoon tasen ka adokba sülen joko asenoki chiyungtsü achidanga selfie agitettsü.
Cinnamon Toast Crunch-i iba selfie spoon tasenba ya benok aser iba oset ya inch 30 talang süngdang tatembang ka nung spoon keta yangluba lir. Anungji tang nungibo breakfast achiba mapang pei sasa noksa agitettsü, ta TIME osang ajanga metetdaktsüogo.
General Mills company-i alima nung chiyungtsü achiba mapang aser internet nung kechisarena post asüba mapang na bendangba (choosing between eating & posting) nung yaritsü nükjidong nung iba selfie spoon ya yangluba lir, ta parnok ad ka ajanga metetdaktsü.
Iba selfie spoon ya amshitsü asoshi smartphone nung Bluetooth tsükloktsüla. Iba sülen spoon indang remote temsüng ajanga sendakteper külen noksa tangoktettsü.
Selfie spoon ya SelfieSpoon.com website ajanga angati order sütettsü saka ki tongtsüba taa ang agitsü.