Selfie stick

Teka agi atongba nungi pilar smartphone mesüra camera agi pei sasa noksa agitsü atema selfie stick ta ser oset ka amshir. Iba selfie stick ya monopod ka lir aser külen teka agi amettsü aser külen adjustable clamp ka nung phone mesüra camera enoktsü yanglua lir.
Selfie stick kar nung remote mesüra Bluetooth control enoka lir aser ibaji amshia noksa agir. Camera atema yangluba selfie stick nungbo viewscreen sülen aina ka enokja lir aser idakji repranga noksa agiteter.
Selfie stick mesükba oset ya 1983 küm mezüng Japan nung Ueda Hiroshi aser Mima Yujiro nati purapiteta yanglu aser iba mapang smartphone melena compact camera amshi.
Iba sülen, Canada nunger inventor Wayne Fromm-i 2005 küm “Quik Pod” yanglutet. 2011 nungi United States nung phone-holding rods amshitsü tenzük aser 2012 küm iStabilizer-branded monopod ayoktsü tenzük. Time magazine ajanga 2014 küm ’25 best inventions’ shimtetba rongnung selfie stick dena lir.