Sempet Rongnung Ka

~ Süpongnüngsang Longkümer, Darogapathar Dimapur.

Nisung shia dak bei pei sempet palala lir aser iba jagi taküm mesür saka karbo bei sempet mamshitette nemtener aser tepok masünger. Sempet ajak tajung item rongnung tajung kar mejeta agiteter zülutsür,tajungji Medical doctor, iba sempet yaa beii jangraba aser meranga azüngba aser pushiba parnok dak ajaki pelar kechaser parnoki taküm aika kümzüktsür.Ano tajung kaji Theology azüngertem kowe kati samaba aser tashe maitba pur kümzüker aser shirnoki air asangur aika taküm nung aser tanüla temeshi tenük lapoktsür,Tsüngremi ali agi yanglua pa taküm tangula apuokja taküm kümdaktsüba nung yarisema taküm yanglushitsürtem lir.Tsüngrem tenüng sangti pai manene moajang.
Kechiba ; koda sür nisung tangi shiruru tanüla arur? Keyi tanüla, sütsük tanüla yamaji ano tanga shiruru tanüla iba amala nisungtemji shiruru jagi she azü achidang nisungba tepang nungi azü amor tepu rürüba agi ani mesüngzüker shiruru jagi ayong ama taroktari pongdanga aotang nisungbaji mejanga aliba mapangpo yipden nungi tsüka animesüngzüke akümer. Tongtipangsa khrista osang tajung agi mayimjemdang shiruru tanüla agi apoba aika dak ataloka liasü. Tanüa asünga yamaji kar dak lira züzüa meyutsüe sarasatemja tanüla tamajungji samadaktsütsü marendake yaritsüla kechiaser item rongnung karipo arasen mapa inyaka liasü. Laishiba nung arasener ta shia aliba ya item dangi ajar asütsü akok. Item jagi nisung dak tashidak ajiteter aser arishia por arasa ngodoktsü.Itemi a tanüptsür liasü aji tang masü parnoki süngsem, Am aser süngulemba aika amshia arasen mapa inyaka liasü. Saka item yapo taküm Tsüngrem nungipo masütsü südi kechaser par mapaji Pari sayur. Meimchir kar nem ano sempet palaka lemzükja lir. Parnok dangji Tamteter ta ajar (Koberas) parnok yagipo tezütera bonga aliba teret raksa aliba ajettepa yanglutsür,bok nung raksa aliba yanglutsür Medical Dr temi tepela nung tezü kecha mali ta ashir saka tanur palaka tepok ngoa jepba aliba tepelaji yanglutsürpo timtima (Timtem) alibaji sürep ta anüper, anungji kecha malipo masü ama bilemer.Jaja ao majung, teka tainshi majung,mejang majung ta timtima aliba junga kümdaktsü nung tamtetertemji yazübo masütsü.Anitet 1:15,16 Idangji Ijip chubai Ijiptsür nusu yarir Shifra aser Pua tang ashi Kodang nenoki Ibritsür nu amongdang yaritir tanurji tepor süra tepsetang ta ozüng agütsü. Saka parnoki meimba agi metepset. 1 Korint12: 28-30Tsüngremi arogo kar nung oda tamasa tenyarte, tanapuba nung sayusüngirtem, tasempuba nung tesayurtem,iba sülen sayatenya inyakertem, tanüptsürtem, teyaritepertem yimsüsürtem aser oshi tapu tapu jempirtem shimteta yutsü.Tsüngremi yanglu aser aji anepalutsü kar nem tanüptsü sempet agütsüba Yisuia kuli agütsür ama Lai ajanga angateter. Asenoki tanüla temeshi sempet aketertembo kanga nendaka pushir saka tamtetertembo züzüa doktsür. Kechi ain agi amteter, amtetbaji shidak süra aji pa sasa asü? Itemi Tsüngremi sempet agütsüba rongnung tesüngmangtsü ka .Anungji arogotemi parnok anitena sarasatema meshitettsü nungpo jungti sü ta lemsateper.
(bo, aser po oren aser olasü bendanga amshia zülutsüogo)