Sempettem : 1 Korint 12:1-11

Tanelaji asenok dak asen sempet tem nung alir.
Tanela sempet tapu aika lir, saka tanelajji ka dang. 1 Korint 12:4
German nunger theologian aser pastor Helmut Thieleckei ken pai tanurtem dak sempet aliba ashidang, pai asenok tenüng asanger ama parnoki bilemba ajitet.  Saka pai asüngdang, pai parnokji sempet akartem ta meshikama ? Iba jagi sempet ji kar nungi arur aser sempet agütsür Tsüngrem lir ta mangatettdaktsür ma ?
Tsüngremji teti tagütsür ka ama arur. Tanela Temeshiji Tsüngrem O ajanga arur aser Kibuba Baptiba aser Kibuba Benjung, Pai asenok nem tamang agütsür. Pai asenok nem tashi balaka agütsür koba ajanga Pa atenba Pai jungkai adoktsür. Asenoki metettsübaji ya Tanela sempettemji teti sempet tem lir. Asenoki ibaji tagütsür asoshi amshir, mesüra asenoki ibaji asüküma aser pei atema dang endoker.
Ibai Tsüngrem, shibai agütsür asü nung, Pai ajak nem kesa sempet agütsür ta makhangtsüla.  Asenok shisa taka süra, kibong nung alir ajak nem kasa sempet tem agütsür ta meimlatsüla. Kodang nüburi arogo nung sempet tapu balala lir ta mangatetter, idangji arogo nung telemsa adoker aser kati ka anema (criticism) jembir. Kodang parnoki tanela kati dang pai mulungba ama ajak agütsür ta bilemtetdir, idangji arogoji ka küma lungjema alitsü. Item dang temaba Tsüngremi sempet tulutiba, Yisu, asen Kümtetdakbai agütsü ta ajaki bilemtettsüla.
Tanela Temeshi, Nai kü nem agütsüba sempet angutsü aser amshitsü aser tangar nem agütsüba sempet nung pelatsü yariang. Ajaki Khrista, asen Kibur ajanga pei sempet tem Tsüngrem tenzükba nung amshidi. Amen.