Sempettem -Efesa 3:14-21

Arogo nung pa dang sentsüwangshi süang

Anungji mepet tulu ama kuli aika agi asenok meketbang….. Ibri 12:1.
Chiyongtsü aser aben süoshi, ki aser alinük, yimjung aser anema aliba asoshi tenüng asangtsü talang ka magitsü.
Tsüngrem sempettem asoshi tongtipang tenüngsangji Tsüngremi Pa taküm asenok nem agütsüba asoshi Pa tenüng asangtsüla: Pa Tanela asenok dak alir, teti taküm lidaktsür; asenok tasü masü taküm kadaktsütsü asoshi Pa jabaso asü aser shia aru; Pa osangtajung kechi ajanga Pai asenok nem taküm tasen agütsü; Pa arogo, asenok Khristan tembartem, kar kotak nung, kar alima nung, shirnoki iba osangtajung aser iba tamang asenokden lemsateper.
Iba ama mepet tulu ama kulitem agi asenok meketbanga lir: Khristan tsüburtem, shirnoki iba Khristan jajaba nung tenzükdaktsü, kinüngtsü, kinüngbu shiba tatishitsü taküm aliba osangtajung ka aküm; Khristan tanurtem, shirnoki Khrista temeim ajizük; Khristan tembartem, parnok Khrista mesük jakla ajanga Khristai asenok den jembir; pastor shiba ajanga asenok dang Tsüngrem O ain nung koda jembitsü asenok dang sayur.
Yamala mepet tulu ama kulitem agi asenok meketbanga lir. Sentsüwangshi tenyartem telok, ainkartem telungjem tamaren tamang asoshi tepseter telok alima ajunga nung temeshi arogo!Onok jajaba lenmang Khristan lenmang asoshi onoki Ne tenüng asanger, Kibur Yisu. Amen.