Sen 1000 mamshitettsü Dec. 15 tashi sen 500 tejen agitsü

New Delhi, November 24 (Agencies): Sen 500, 1000 notes anentsüba ozüng tesashiba küma tanü Centre sorkari, Honibar nungi sen 1,000 notes mamshitettsü aser bank counters nunga memelentsütsü saka sen 1000 notes tejenji bank account nung enoktsütsübo akoktsü, ta sangdongogo.

Sorkar sangdong ka ajanga, “Bank counters nung sen 500 aser 1000 notes tejen melenba ajema akumba reprangteter. Nüburtemi sen 500 aser 1000 notes pei bank accounts nung enoktsütsü ajungshir. Iba ya ajanga bank account lapoka malirtema bank account tasen lapoktsü ajungshitsü,” ta metetdaktsü.

Centre-isa, sen tejen melentsü atema maongka kar agüja aliba mapang atsülangja December 15 tashi petrol pumps aser LPG stations nung sen 500 notes tejen agitsü,ta metetdaktsü. Iba tetezü sen notes 1000 bo bank accounts nung ang deposit sütettsü. Ano sorkar school aser college tem nung school fees agütsütsü atema sen 500 note tejenba sen 2000 tashi amshitsü akok.