Sen 100/50 notes anentsütsü sentong mali: Sorkar

New Delhi, Nov. 16 (Agencies): Sen 100 aser 50 notes anentsütsü ta olulu prokba sülen tanü sorkari, sen 100 aser 50 notes anentsütsü tebilemba mali, ta jangjatsüogo.
Ano Ato kilonseri sen 50/100 notes anentsütsü ta olulu prokba sülen twitter ajanga sorkari, “Item denomination notes anentsütsü tebilemba mali,” ta metetdaktsü.
Tang sen 2,000 note tasenbaji quality majung, aser sentsü jena akümer ta jembiba dak sentakba nung sorkari, iba atemaji shisa tebulu, ibaji security feature ka lir, ta ashi.
Sorkari, “Sen note nung intaglio printing ta ajaba security feature ka lir. Chichiba sen tendangtsü atema senji sü agi aishitsüla; ibajagi turbo-electric effect ka adokdakja sentsüji sü nungji nüzüker,” ta ashi.