Sen 1,490 jenjang Sumo T3000 mobile sayaogo

New Delhi, April 21 (Agencies): Jivi Mobiles ajanga Sumo T3000 phone Hokulbarnü sayaogo. Iba phone indang battery tashi ya 3600mAh lir aser khen ‘full charge’ asüba agi anogo 50 tashi amshitsü akoker, ta company ajanga ashir.
Iba phone jenjang sen 1,490 aser screen tasazük 2.8-inch lir. Iba phone nung ya flash atenba camera, auto call record, mobile tracker, torch light aser GPRS nunger amala feature aika keta lir.
“Sumo T3000 phone nung battery tashi tulu lir aser iba ajanga teyari tulu agütsütsü. Iba phone yanglutetba asoshi kanga pela bilemer,” ta Jivi Mobiles indang CEO, Pankaj Anand-i ashi.