Sen 28, 50, 000 alang IMFL apu

Dimapur, Aami/June 14, 2019 (TYO): HQ IGAR(N) kübok Medziphema Bn Assam Rifles-i June 11, 2019 nü truck ka nung MC Dowell case 950 bener lia apu. Iba truck ya Dimapur nungi Kohima tuya liasü aser Assam Rifles-i mita aoba mapang sen 28,50,000 alang MC Dowell case 950 shi putetta liasü.
Assam Rifles-i Karbianglong (Assam) district nungi Md Noor Jamal Ali’er jababo küm 28 tain driver Md Islam aser pa den külem driver Barpeta (Assam) District kübok Bhari Madarsa nungi Ayub Khan’er jabaso arishi küm 22 tain Md Azijul Khan naprongla apu.
Iba maparen dak sentakba nung ano bushisüngdangtsü atema driver anaprongla den truck nung bena aliba MC Dowell case tem Medziphema Police Station nung agütsüogo.