Sen 5 alangba Ashoka postal stamp sayaogo

Patna, August 24 (agencies): Hombar nü Union Telecom Minister Ravi Shankar Prasad-i tesüiba mapang India chuba asüsang Ashoka nüngtem nung sen 5 alang Postal Stamp ka sayatsüogo.

“Iba postal stamp ya Ashoka nüngtem nung adokba lir aser post office tem nung talitsü angutsü,” ta pai metetdaktsüogo.

Prasad-i, Bharatiya Janata Party nung lenir taintem dang Patna aser Delhi naprongla nung Ashoka indang süngyanglu ka ka yanglutsü o benoktsü, ta ashi.

Iba postal stamp ya BJP sentong akaba mapang ka nung Ashoka tasoba anogo bilemteta sayatsü ta May ita nung Prasad-i metetdakja liasü.

BJP nung lenir kari Ashoka’er kinji tang aliba Kushwaha kin ya lir ta ashir saka otsü meteter mongintemi yamaji masü ta aitsüogo.

Kushwaha kin ya linük nung ‘Other Backward Class’ tem lir aser Bihar netsüng yongsük ajak agi crore 10.5 nungi parnok ya noklang nung shilem 9 lir.a