Sen aika yong Princess Diana-i züluba shidi yokdoktsü imlar

London, January 6 (Agencies) : Princess Diana-i zülüba shidi koba nung lai lar jabaso William aser Harry na taküm indang Cyril Dickman dangi zülu, iba shidi yagi mezüng atakzükba jenjang adener 15,000 pounds jungnüa UK Auction nung aatsü imlar.
Iba shidi ya tesüiba Princess of Wales-i Cyril Dickman dangi zülu, shiba Buckingham Palace nung küm 50 dak tali teyariteper rongnung tekolak ama inyaka liasü.
Cambridge nung auction house, Cheffins-i ashiba agi, ‘item shiditem ya Chuba temi züluba shidi bendenba rongnung shilem ka lir.’
“Iba auction ya kanga balaka; ni kodanga oset ishika mapang yamai talangka meyokdang. Alima tesem balala nungi internet nung tang tashi bid asür,” ta Luke Macdonald, Cheffins nung director of fine art-i ashi.
Dickman-i bendena aliba shiditem rongnung Queen Elizabeth II aser Prince Charles-i züluba shidi 40 shi lir, aser item shiditem ajanga sen 13,000 pounds shi yokzüktsü imlar.
Item shiditem senteper ajak agi 55,000 pound shi yokzük. Diana indang shiditem trok sü küma lemsar aliba jagi 3,600 pounds yokzüktsü imla liasü saka ajak senteper 14,900 pounds yokzük.
September 20 1984 küm Diana-i, yamai zülu: ” William-i tenu kanga meimer, aser pa mapang ajunga tsüraburtema aru mejungi azüiter dang kazür. Iba tanur tila asoba ajanga onok ajak amokbanga tokogo, aser ni tangola-a sashi mejungi yangi narotem bendentsüdar.”
Ano October 17, 1992, küm züluba shid ka nung lai yamai zülu, “William aser Harry na prongla kanga jangra-a Boarding school-i odar saka Harry mapangshia timtemi ayir.”
Dickman’er kibongi bendena aliba osettem rongnung shiti, Card, chubaer kinungertem indang noksa balala densema lir. Ajidang masü ano Queen, Prince Philip den 1947 küm kibong aküdmang achitsü yangluba wedding cake ka melapoki yua lir.
Cheffins-i ashiba agi Cyril Dickman ya chubar kibongi ajaki kanga dang sapuba nisung ka lir, aser yamaji küm 30 tashi Chubar kinungertemi pa dangi shidi zülu.