Sen crore 1.5 alang Opium aser WY süngjang apu

Dimapur, Luroi/August 21 (TYO): 21/08/19 nü 3:20 ako shi nung Khuzama Inter-State police check gate nung aliba Kohima police-i gari tem bushitsüngdangba mapang Dimapur nungi Manipur-i oya aliba tata gari (B/R. No. AS11AC-7732) ka apu. Gari kanga junga bushiba sülen police temi tenokdangba agütsür aliba opium (powder form) seret 6 aser WY tablets paket 250 (packet shia süngjang 180) driver menden telung nung bener aliba ngutet.
Gari anisang ya Manipur, Thoubal kübok Usoipokpi yimtsüng nung alir asür Sahzad Ahmed’er jabaso Arbas Khan (arishi küm 19) ta jangjaogo. Pa den gari aser temesepba mozü puogo aser NDPS Act kübok ken o maneni bushitsüngdangtsü asoshi ken o ka benokogo.
Opium aser WY süngjang ya international market nung sen crore 1.5 shi asütsü, ta DEF, Kohima PRO sangdong ka ajanga metetdaktsü.