Sen crore 1.50 alang ‘Mercedes-AMG E 63 S 4MATIC+’ India nung sayaogo

Monupii 04, 2018 (Agencies): Germany indang automobile yangluba company, Mercedes-Benz-i sen crore 1.50 (ex-showroom) alang India shishilembadak ‘Mercedes-AMG E 63 S 4MATIC+’ sayaogo. Uttar Pradesh, Greater Noida, ‘Buddh International Circuit’ nung gari ya Rogonü (Friday) sayaogo. 2016 Mongputeni (October) Los Angeles Motor Show nung iba gari ya mezüng sayua liasü. Terprangtsü nung gari ya tanga standard E-Class garitem den kasa asütsü saka AMG (Aufrecht Melcher Grossaspach)puri exterior design kanga aküm keta yanglutsü, radiator grille tasen, coupe-style inset bonnet aser aerodynamic nung teyari agütsütsü atema tejaklen apron tuluba yanglutsüogo. Iba gari nung air body control den külemi fully supporting multi-chamber air suspension atema maximum lateral aser longitudinal dynamics feature nung amenoka AMG puri gari suspension yanglushitsüogo.
E-Class gari engine rongnungi Mercedes-AMG E 63 S 4MATIC+ nung engine amenoka aliba ya tashitaittiba asütsü. Gari nung 4.0-litre twin-turbo V8 engine ajanga 450 kW (Kilowatt) (612 hp) tashi agutsür aser second 3.4 nung gari yagi 0-100 km/h tashi anitetter. Transmission atema AMG puri gari nung mezüng Speedshift MCT (Multi-Clutch Technology) nine-speed sport transmission den külemi wet start-off clutch inoka yanglutsüogo.
E 63 S 4MATIC+ nung Cylinder Deactivation System keta aliba angutsü aser iba gari nung iba feature ya mezüng asütsü. ‘Optimum traction’ agütsütsü atema iba gari nung innovative 4MATIC+ drive system ajanga tejaklen aser tesülen axel nung ‘fully variable torque’ lemsatsür. Tajung kaji gari nung Drift mode feature keta aliba angutsü aser aji standard asütsü.
Safety tsütsü reprangdangra AMG E63 S 4MATIC + nung active brake assist inoka yanglutsüogo. Gari nung brake ya ‘radar-based’ driver assistance system den sendaktepa lir aser ibaji ajanga lendong tapu balala nungi kümzüker. Company-i gari nung airbag tenet inoksema yanglutsüogo. Gari nung Multibeam Intelligent Light System nung variable light distribution den külemi cornering function tem keta lir. Ibaji ajanga tamang nung gari ya lenmang balala nung anidang light jaki tesangwa peria yaloktsüba agi gari anirtem nem timtem kecha magütsür. Iba den yarisema gari nung Adaptive High Beam den high aser low beam tsüngda automatic switching keta aliba angutsü.