Sen crore 1.65 alang hon Manipur aser WB nungi puogo

Imphal, Aami/June 28 (Agencies): Directorate of Revenue Intelligence (DRI) puri Myanmar nungi shibelener aruya aliba sen crore 1.65 alang hon seret 5.3 Manipur aser West Bengal kübok Siliguri nungi puogo, ta Yangtepnü agency ajanga metetdaktsü.
Osang tejangja ka angazükba sülen DRI puri Manipur kübok Moreh-Imphal lenmang anasa Khudenthabi tesem nung sen crore 1.02 alang hon seret 3.3 apu. Hon ya totzü tank nung meima bener lia apu.
“Lilong nung alir gari anisang Md Gayasuddin, Customs Act kübok aija puogo aser judicial custody nung tokja lir. Pai iba hon ya Moreh ajanga Myanmar nungi shibelener aruba nangzüka liasü,” ta DRI-i ashi.
Ibala mesükba tanga tatalokba ka nung Yangtepnü Siliguri, New Jalpaiguri Railway Station nung sen lakh 63.27 alang hon seret 2 puogo.
DRI puri iba financial year nung West Bengal aser northeast India nungi sen crore 26 alang hon seret 142 shi puogo. Hon ya Bangladesh, Myanmar, Bhutan aser China nungi shibelener arur, ta kasa sangdong ajanga metetdaktsü.