Sen lakh 1.19 jenjang, 249cc Yamaha FZ 25 sayaogo

Mongulbarnü New Delhi nung Bollywood actor & brand ambassador John Abraham den Masaki Asano (abelen nungi tasembuba), MD, Sales Yamaha Motors India, Roy Kurian (achiji nungi tasembuba), Vice President aser tongti Yamaha ketdangsertemi Yamaha FZ25 sentong nung shilem agiba angur.

January 24, 2017 (Agencies): Yamaha India-i sen lakh 1.19 jenjang (ex-showroom, Delhi) Yamaha FZ 25 sayaogo. FZ 25 ya Yamaha FZ Version 2.0 India nung ayokba rongnung tuluba aser tashitaitba lir.
FZ 25 motorcycle ya tashi 249cc, air-cooled single-cylinder engine aser fuel-injection technology keta lir. Gearbox 5-speed aser 8000 RPM nung horsepower 20.9 agütsür aser 6000 RPM nung 20 Nm torque agütsür.
Iba bike engine tuluba süaka amentsü asoshi kanga anisüngzüktsüsa ali nungi mm 795 ajungketa lir aser iba ground clearance mm 160 lir. FZ 25 nung ya totzü litre 14 inokteter.
Iba motorcycle nung LED tail lamp inoka lir aser sentsü tapu asem- Knight Black, Ballistic Blue aser Warrior White nung angutsü.
FZ 25 anentsü asoshi tejaklen mm 282 aser tesülen mm 220 disc brake keta lir.