Sen lakh 1.68 jenjang yi apu

Dimapur, November 4 (TYO) : Kohima kübok Tseminyu Police Station nungi police temi Pughoboto Junction anasa garitem ajungbena mita reprangdang, Mokokchung leni aoba Mahindra Scorpio gari ka nung yi bena aliba apu.
Scorpio gari (NL01C-4142) nungi MC Rum case 70 bena liasü aser yiji sen lakh 1.68 shi jenjang liasü, ta Sub-Divisional Police Officer (South) & PRO, Kohima sangdong ka nung metetdaktsü.
Iba dak sendakba nung nisung ka apu aser paji Phek kübok Hebron 1 Colony nung alir Chishiy’er jabaso Inato Assumi ta jangjaogo. Pa ya Thilixu village, Dimapur nung telidak lir, ta sangdong nungsa shia lir.
Iba dak sendakba nung NLTP Act kübok Tseminyu P.S nung ken o ka benokogo, ta Kohima Police sangdong nungsa metetdaktsü.