Sen lakh 10.84 jenjang Volkswagen Vento Highline Plus sayaogo

Mumbai, April 05 (Agencies): Europe nung gari yangluba company tututiba, Volkswagen ajanga Volkswagen Vento Highline Plus sayaogo. Iba gari tasenba ya sen lakh 10.84 (ex-showroom, Mumbai) agi angutsü.
Iba gari tasenba nung Full LED Headlamp, LED DRLs aser tesülen reprangtsü asoshi camera keta lir.
“Volkswagen company-i yangluba garitem nung Vento ya India nung kanga tongtipang lir aser Vento Highline Plus India nung sayaba atema onok kanga pelar. Iba gari nung design nungi tenzüka technology aser iba gari anishir kümzüka alitsü asoshi oset tajungba inoka lir. Vento gari ya kibong lanu aser mapa inyakertem asoshi kanga tajung aser Highline ya parnoki kanga meimtsü,” ta VEnto Highline Plus sayaba sentong nung Volkswagen Group Sales India Pvt. Ltd. nung Managing Director, Thierry Lespiaucq-i ashi.
Iba gari tasenba nung ya ‘ORVM turn indicator’, ‘Zirconia alloy’ indang gari tetsüng aser ‘3D effect tail lamp’ keta lir. Iba gari telunglen ya ‘automatic rain sensing wiper’, ‘rear air-conditioning vent’, ‘auto-dimming IRVM’, ‘cooled glove box’ aser mapa aika inyaktetba ‘steering wheel’ keta lir.
Vento Highline Plus nung ya ABS aser tejaklen airbag ana keta lir. Iba gari ya India nung Volkswagen indang showroom ajunga nung angutsü.